Kom i gang med makroprogrammering

Gaute Hvoslef Kvalnes, 2002-07-01.

Makroar vert brukte til å automatisera oppgåver eller utvida funksjonaliteten i eit program. OpenOffice.org sine vegvisarar for eurokonvertering og laging av nettsider er døme på avanserte makroar.

I denne innføringa kan du sjå korleis du kan laga ein heilt enkel makro som har til oppgåve å setja inn ein tekst i ei reknearkcelle. Makrospråket i OpenOffice.org heiter StarBasic, og liknar mykje på MS Office sitt makrospråk. Dersom du kjenner makroprogrammering frå MS Office, skal denne vesle oppskrifta vera nok til å få deg i gang i OpenOffice.org.

Du finn mykje meir informasjon i «StarBasic tutorial».

Oppskrift

• Lag eit nytt Calc-dokument.
• Gå til «Verktøy -> Makro».
• Vel «Namnlaus1» i lista til høgre og trykk «Ny».
• Skriv namn «Testmakro».
• Du får no opp ein tom makro, og legg inn følgjande i staden:

Sub Main
        Dim oSheet As Object
        Dim oCell As Object

        oSheet = ThisComponent.Sheets(0)
        oCell = oSheet.getCellByPosition(2,2)

        oCell.String = "Hallo!"
End Sub

• Trykk på «Køyr» (knapp nummer 2 på den nedste verktøylinja) og gå tilbake til reknearkvindauget. No skal celle C3 ha fått teksten «Hallo!».
• Du treng ikkje lagra makroen eksplisitt, han vert lagra saman med reknearket når du lagrar dette.